|
SubscriptionsSites I Read
|
|
|
|
| Sunday, December 28, 2008
今朝一早起身梳洗, 本身想沖個涼, 但真係凍到.....X_X
刷完牙飲番杯熱騰騰的麥片 ^^
資源短缺, 要用牙刷個柄唻搞混d 麥片, 哈哈 XD 過去晨晨o個邊打個招呼, 點知一開面就見鬼! 嚇死我 @O@"
食完早餐就o係呢個白灣鎮度再入貨, 我同組員買番recipe 未有o既野
嘩...豬肉檔真係衛生到...............烏蠅多過豬毛 = ="
跟住買左d 蛋, 米粉, 暖水袋, 電筒, 水鞋同雨褸...方便上山唔使用遮
**我地係拯救小隊**
pack 好晒d 袋...byebye 零食朋友們了 > <
拎齊野落去食lunch, 嘩! 我個袋重到揹唔起, 要人幫手抬一抬先揹到!
...點...上.....山...?!"
   
臨上山前思蕾幫我pack 多次d 野, 最後將d 菜同瓜掛晒o係袋出面...
唔該晒d 男仔幫我地揹米粉同蛋~ 終於輕左好多 T___T 正式上山lu! 預計行3 個鐘入到牛洞村...最後用左兩個幾鐘, 大家都好快!
不過過程都幾艱巨, 又落雨, d 路又斜又跣又危險!
好多人好辛苦, 唔舒服, 唔夠氣, 冇力, 我都行到冇晒意志咁滯...
但聽左eric 講o既"想通ABC" 跟住又同d groupmates 互相鼓勵下, 終於捱到入村了!
見到牛洞村時, 成功感十個大* =D
   
我同groupmates 同埋青衣o既秋怡被編到一個公公婆婆家
佢地好好, 一見到我地就用熱茶同蕃薯招呼我地
婆婆仲勁熱情係咁捽我凍到僵晒o既手...我鼻都酸埋! ^^
飲完熱茶個人暖超多! 身上d 汗定唔知雨水好似就快結冰咁 = =
所以婆婆煲俾我地沖涼o既熱水...我都唔係溝左好多凍水就可以直接沖上身~
呼~~~ 第一次同大自然咁零距離接觸 XD 好好珍惜咁o既沖涼時間!! 哈哈哈!! 沖完涼我開始做今晚大廚了...講堅, o係屋企都唔係話成日煮
而家仲要燒柴煮飯, 嘩! 大挑戰!!
呵呵~~ 不過見公公食得好開心, d 導師又讚d 湯同d 送好味~ 不禁地暗爽 XDD
   
8 點幾女仔去下面晨晨o個間屋集合sharing...今日行山真係好深感受!
嗯! 大家都要加油, 大家都要互相支持呀! 仲有兩晚架炸! 好好珍惜&享受* 原來用希望 才能夠支撐到這一秒
餘下一切 不需要想 | | |
| Saturday, December 27, 2008
今朝3 點半先訓, 太緊張了!
究竟清遠係點o既呢? 究竟去完之後我會體會到d 咩呢??
7 點9 先去到上水土火車站, 我地本身仲諗住坐低慢慢嘆早餐
結果大家買左外賣, 企o係車站捧住個碗唻食, 都...幾得丫 XD
不過....早知就坐o係度食啦!! 等到8 點3,4 個字先出得發
去到羅湖仍然係好雀躍! 可能仲有體力吧~ 揹住個巨背囊彈跳 =P
   
上車開始訓覺, 中途起左身傾計講下我地將來charter 大計
又同anna 傾左陣以前中學o既野, 好快就過左3 個鐘, 唻到清遠市
我地先去清新縣o既鳳霞中學參觀~ 嗯,大陸唻講比我想像中好得多!
跟住去左唐人街食最後的豐富午餐, 之後就去好大o既超級市場入貨 3 點幾又上車喇, 又搭3 粒鐘車...恰左陣, 又同kitman 傾下charter o既事...
窗外下著毛毛細雨, 希望唻緊聽日入村天氣會好好啦, 千其唔好落雨呀!! ><
旅郵巴o係一座好殘o既樓出面停低.....郵政酒店??!
OMG! 又話3/4 星? 佢同青年旅舍冇乜分別炸喎 = =""
   
搵番我d 組員上房安頓...!!!!!!!!!!!! 有成個拳頭咁大o既蜘蛛!!!!!!!!!!!!!!!
嚇到我地4 個女仔彈到去對面房咁遠...樓下d 男仔上晒唻, 幫我地打瓜佢...
但最後都係勁驚!!! kitman and eric 同我地掉房, 唔該晒!
(不過我地去到新一間房都仲好驚 - -") 心情都未曾平伏, 等緊食晚飯時停電...勁不安! 多謝eric o係隔離坐左一陣 =]
燭光晚餐懶romantic 咁 =口=" 好彩冇幾耐有番燈炸! 夜晚o係一間陰森大房聽briefing...
加油呀胡詠鈊! 你捱到架! outward bound 你都得, 呢度算得係d 乜!!! . \ _ / .
   
返到去沖完涼同groupmates 出廳傾多次唻緊呢幾日o既recipe
因為今日o係supermarket 買唔齊野, 唯有更改一下, 聽朝一定要買番齊喇!!! @@
差唔多12 點集合o係晨晨佢地o個間房預備預祝kitman 生日
因為eric 透露左kitman 佢地o個組編左去遙遠的他方, 我地到時慶祝唔到
所以好求其集合左唔同人士帶唻o既零食慶祝左, 都開心丫~ (應該)
突登帶扶青衫唻代表扶青上下同你慶祝架!!! 哈哈哈!! kitman, 生日快樂 =) | | |
| Friday, December 26, 2008
尋晚因為趕住走, 漏左個相機套o係vitto 屋企
好彩今日蚊菁拎番出唻俾我
3 點出一出地鐵站, 拎完就返屋企 今日有個有錢仔o係Zara 買左件千四蚊西裝褸! 誇張! = ="
10 點幾先開始執野, 同海瑛sms
thx & we will take care ourselves these coming 5 days ga la~
don't worry =) 各位, 我走了, 五日後, 會係全新o既我* 悄悄的 遠遠的 或許捨不得
默默的 靜靜的 或許很值得
我還在某處守候著
說不定這也是一種 幸福的資格
至少我們中還有人能快樂
這樣就已足夠了 | | |
| Thursday, December 25, 2008
嘉宜生日快樂&聖誕快樂!!
今日約左家俊kitman 晨晨同阿wing 去美食展, 食野兼做功課 =P
勁叻女! 約左11 點9 天橋麥記等, 我超準時!
不過家俊同kitman 仲早過我, 爭唔到第一添 =P
但快過晨晨同阿wing 已經好威水!! XD
   
o個度超細, 仲有一邊分左去俾電子展...冇咩野食...但流沙包超讚*食多半打都得 =P
家俊走先, 我地行多陣都走了, 去左玩具街間卓悅入貨去清遠
買左d 爽身粉, 膠布, hand cream, 濕紙巾...搞掂晒4 點半過返去沙田火車站
  
多謝vitto 款待我地去佢屋企開party!!
去完citysuper 同wellcome 入貨, 再去西田食串燒, 跟住就上佢屋企~
超好笑! vitto 定esther 扮P 扮得似d??! 最好笑都係TC 幫esther「開P」XDD
  
聖誕party 指定環節, 交換禮物: rules 係10 蚊以內, 又要唔似10 蚊o既禮物 XD
諗到頭都大埋!! sarah 最灰, 收到page 1 o既英文小說一本, 仲有幾毫子 = =""
除左有禮物收外, 我仲有TC 自製的聖誕咭, 印得好好啊~~ 好似買咁 ^^ thanks!
   
食完野, 傾完計, 交換晒禮物, 又係塔羅時間!! 問左有關PC o既野...準到喊!!
再問埋.......唔...=) 希望承你地貴言啦! 
蚊菁.........=口=" 咁易醉...點o係中大生存呀同學!!!!!! XD
   
因為要趕搭尾班車, 所以要走先, o係新城市撞到個熟口熟面o既男仔...
佢指住我, 跟住唔知話俾邊個知~~~ 望清楚!! 原來係joanne 小子!!
哈哈!! 好彩細佬好眼力, 好記性! 仲記得我 =P 佢地真開心, 一家人食完飯落街影相 ^^
merry christmas 
| | |
|
